Bikarkeppni KSÍ Víðir-HÓMER

Hómeringar spila við Víðismenn í 1. umferð Bikarkeppni KSÍ.  Leikurinn fer fram næstkomandi Sunnudag (1. maí) og hefst kl. 14:00.  Leikið er í Reykjaneshöllinni í Keflavík.

Valinn hefur verið 16 manna leikmannahópur í þetta verkefni, en ekki er hægt að hafa fleiri á leikskýrslu í leiknum.

Hópurinn:

 

Guðmundur Páll Ólafsson

Ólafur Hrannar Eyþórsson

Heimir Lárus Kristjánsson

Óli Geir Stefánsson

Þorvaldur Már Guðmundsson

Davíð Gunnarsson

Reynir Þór Reynisson

Eiríkur Egilsson

Óskar Þór Hilmarsson

Sindri Bergmann Eiðsson

Engilbert Garðarsson

Ásmundur Pétursson

Eiður Már Guðbergsson

Kristján Snorri Ingólfsson

Jón Stefán Björnsson

Birkir Skúlason

Þeir sem ekki voru valdir í hópinn eru að sjálfsögðu velkomnir með.

Við ætlum að hittast á N1 í Hafnarfirði og raða okkur þar í bíla.  Mæting er kl. 11:50.

ÆFINGALEIKUR

Æfingaleikur við Elliða á morgun (miðvikudaginn 27. apríl) á Framvelli.  Mæting kl. 21:30

Bikarkeppni KSÍ 2011

Búið er að draga í Bikarkeppni KSÍ og munum við í Hómer spila við Víði í Garði í 1. umferð á Garðsvelli í Garði.

Uppskeruhátiðin

Það eru komnar nokkrar myndir inn og Stjáni ætlaði að setja inn einhverjar myndir sem voru teknar heima hjá honum.

KÓRINN

Fyrsti tíminn í Kórnum er í kvöld, mánudagskvöldið 6. september.

Hvar: Kórnum í Kórahverfi í Kópavogi

Hvenær:  Tíminn byrjar kl. 21:55.  21:55 er mæting ekki seinna.

LOKAHÓF HÓMER

Lokahóf Hómer verður haldið Laugardaginn 9. október.

Menn eru beðnir að taka þann dag frá.

Kórinn í vetur

Hómer verður í Kórnum í vetur, ekki til að syngja heldur til að spila flottan fótbolta.

Tímarnir verða á mánudagskvöldum kl. 22:00.  Munum við verða alveg fram að áramótum.

Hómeringar þurfa að staðfesta þáttöku á þessum æfingum við fyrirliða og andlegan leiðtoga liðsins, s.s. Óskar.

Hómer - Kumho 3-3

Fréttaritari Hómer ákvað að koma úr fríi og mæta á síðasta leik tímabilsins.  Hómeringar tóku á móti ríkjandi Utandeildarmeisturum Kumho.

Byrjunarlið Hómer: Gummi mark, Helgi Harði, Valdi, Eiður, Óli, Billi, Heimir, Óskar, Tryggvi, Sindri og Júlli.  Á bekknum voru Dabbi, Ási, Reynir, Gummi litli, Eiki og Dóri.

Ekki byrjuðu Hómeringar vel því eftir ca. 5 mínútur komst Kumho yfir.  Boltinn kom fyrir markið og sóknarmaður Kumho með boltann á markteig fyrir framan markið, Valdi reyndi að pota boltanum í burtu en boltann fór því miður í netið.  Kumhomenn með bros á vör og köll heyrðust frá þeim um að mörg Kumhomörk væru á leiðinni.

Hómeringar svöruðu strax nokkrum mínútum síðar.  Júlli vann aukaspyrnu við endalínu.  Billi gaf fyrir, brotið var á Heimi en Tryggvi náði að pota boltanum inn, 1-1.  Kumhomenn voru að spila boltanum vel á milli sín en án þess að skapa sér hættuleg færi.  Hómeringar börðust grimmilega og áttu margar hættulegar skyndisóknir.  Rétt fyrir hálfleik meiddist Gummi mark eftir samstuð og Heimir fór í markið og átti stórleik. En staðan í hálfleik var 1-1.

Seinni hálfleikur var rúmlega 10 mínútna gamall þegar fyrirliði Kumho skallaði knöttinn í netið eftir horn, 2-1 fyrir Kumho.  Sindri jafnaði með skalla eftir aukaspyrnu á ca. 65. mínutu, 2-2.  Á 70. mínutu fær Júlli frábæra sendingu upp vinstri kantinn, stingur varnarmann Kumho sem nær ekki að stöðva hann þrátt fyrir mikið peysutog.  Júlli fer framhjá öðrum sem fær hann í hendina og víti dæmt.  Júlli klárar það sjálfur, 3-2 fyrir Hómer.  Þegar komið var í uppbótartíma jafna Kumho menn úr horni sem Hómeringar gáfu ódýrt, 3-3.

Heilt yfir var þetta góður leikur hjá okkur gegn góðu liði Kumho.  Báráttan var flott en hefðum mátt gera betur í uppspilinu.  Svekkjandi hvað það vantaði lítið upp á að vinna Kumho og Elliða.  Stóðum líka vel í Landsliðinu þrátt fyrir mikil forföll þannig að þetta er á leiðinni í rétta átt hjá okkur.

Kumho eru gott lið, spila vel út á velli en voru ekki að skapa sér mikið af færum.  Töluvert af vælandi drottningum í þeirra liði sem fengu alltof mikið af aukaspyrnum hjá dómaranum sem virtist ekki skilja það að löglegt sé að tækla með boltann á milli.

Síðasti leikur tímabilsins!!!!!!!!!!!!!!!!!!!!!

Síðasti leikur tímabilsins (því miður) verður á morgun, þriðjudag.

Andstæðingar: Kumho, núverandi Utandeildarmeistarar.

Staðsetning: Gervigrasið í Laugardal

Dagsetning: þriðjudagurinn 31. ágúst

Tími: Leikurinn byrjar kl. 19:00 en mæting er kl. 18:30 klæddir út á velli.  Ef menn klæði sig á vellinum þá þurfa menn að vera mættir í síðasta lagi 18:15.

ÆFING OG LEIKUR

Æfing í kvöld, þriðjudagskvöldið 24. ágúst, kl. 21:00 á Fylkisvellinum.

Æfingin verður mjög létt og farið yfir skipulagið fyrir morgundaginn.

Leikur á morgun, miðvikudagskvöldið 25. ágúst, á gervigrasinu í Laugardal.

Leikurinn byrjar kl. 20:30 en mæting er kl. 20:00 klæddur út á velli. Ef menn vilja klæða sig á vellinum, sem ég mæli eindregið með, þá þurfa menn að vera mættir í síðasta lagi 19:45.