Hómer - Haukar U. 1-1

Hómer – Haukar U

Ásvellir, 28.06.2009

Fyrri hálfleikur:

Hómeringar mættu greinilega klárir til leiks. Haukarnir voru yfirspilaðir fyrsta korterið og komust þeir varla yfir miðju.  En í sennilega annað skiptið sem þeir komust yfir miðju fá þeir aukaspyrnu út við endalínu.  Frábær bolti sem snérist að fjærstönginni þar sem Haukari er einn óvaldaður og lyftir boltanum snyrtilega í netið. 1-0. Eftir þetta jafnast leikurinn og bæði lið að spila þokkalega en lítið um dauðafæri. Við náum nokkrum fínum sóknum sem hefðu getað endað með marki og sömuleiðis Haukarnir sem áttu reyndar eitt slárskot og svo lokaði Maggi líka mjög vel þegar þeir voru sloppnir hálfpartinn inn fyrir. Mig minnir líka að Billi hafi fengið einn á móti markmanni eftir að Sindri setti hann í gegn en hann var óheppinn með skotið sem fór yfir.

Seinni hálfleikur:

Haukarnir mættu sterkir inn í seinni hálfleikinn og sýndu að þeir kunna vel að spila fótbolta. Þeir fengu nokkur færi og m.a. eitt dauðafæri á markteig en boltinn fór framhjá.  Við misstum aðeins skipulagið en það kom svo um munaði.  Dabbi átti þrjár mjög hættulegar aukaspyrnur sem hefðu getað skilað marki. Seinni helminginn af hálfleiknum sóttum við mikið og fengum nokkur hálffæri. Toni kom sterkur inn í senterinn og var að berjast vel og tók góð hlaup. Eftir eina Steven Gerrard-sendingu frá Óskari átti Toni einmitt frábært hlaup og var kominn í fínt færi hann kaus að senda á Sindra en Haukarnir komust inn í sendinguna. Á þessum tímapunkti vorum við að berjast grimmilega áttu Haukarnir ekki séns í öskrandi Hómeringanna sem börðust allir eins og rassskelltir handrukkarar.  Og við uppskárum þegar tvær mínútur voru eftir. Sindri var staddur utarlega í teignum, fékk boltann sólaði þrjá Haukara snyrtilega og lagði boltann óverjandi í fjærhornið ala Fernando Torres.  Frábært mark hjá stráknum, markavélin greinilega kominn í gang.  Við hefðum getað stolið þessu stuttu seinna en inn vildi boltinn ekki og niðurstaðan 1-1 jafntefli.

Þetta Haukalið er mjög sterkt og getum við verið ánægðir með þessi úrslit.  Við börðumst rosalega allir sem einn og það var það sem skilaði okkur þessu stigi.

Koma svo áfram Hómer.

Endilega kommentið ef ykkur finnst vanta upp á eitthvað í skýrslunni, hver átti stoðsendinguna á Sindra t.d.???

Athugasemdir

[Keeperinn (IP-tala skráð) 30.6.2009 kl. 01:27]

Þetta er flott maður, meira svona eftir leiki. Frábært

[Óskar (IP-tala skráð) 2.7.2009 kl. 13:14]

Eru menn ekki ferskir! Það væri nú gaman ef þessi heimasíða væri meira notuð. Menn myndu kommenta og fara með gamanmál í gestabókinni t.d.