Hómer - K.H.A. 1-2

Byrjunarlið Hómer: Gummi mark, Óli, Heimir, Tolli, Ási, Eiður, Reynir, Tryggvi, Valdi, Billi og Júlli.  Á bekknum voru Danni, Stjáni, Dabbi, Harði, Atli, Þorri, Dóri, Elli ásamt meiddum fyrirliða/aðstoðarþjálfara.  Þá mættu Arnar og Jónas sem sérlegir aðstoðarmenn sem og Berti til að trashtalka dómarann.

Fyrri hálfleikur:

Leikurinn byrjaði heldur betur fjörlega.  Við pressuðum stanslaust fyrstu mínúturnar og Kærastan átti í vök að verjast.  Á ca. 5. mínútu í grínlaust fyrsta skiptið sem þeir komust yfir miðju átti miðjumaður þeirra fallega sendingu inn fyrir og KHA komnir í 1-0, gríðarleg mistök hjá varnarmönnum Hómer sem voru herfilega staðsettir og steinsofandi.  Vörnin var slegin útaf laginu og voru steinsofandi fyrri hluta hálfleiksins og hleyptu þeim aftur í gegn en Gummi varði mjög vel.  Óli hefði getað jafnað þegar hann skallaði yfir úr fínu færi eftir hornspyrnu.  Heimir gerði betur þegar hann hamraði knöttinn í netið með kollinum eftir hornspyrnu um miðjan hálfleikinn, 1-1.  Kærastan átti stuttu seinna glæsilega aukaspyrnu í stöngina og sluppum við vel í það skiptið.  Lítið gerðist þangað til Kærastan skoraði ótrúlegt mark rétt fyrir hálfleik eftir langskot, knötturinn hamraður í 90 gráðurnar af um 25 metra færi, frábært mark. 2-1 fyrir Kærustunni.

Seinni hálfleikur:

Seinni hálfleikur var einhver mest pirrandi hálfleikur í langri sögu Hómer.  Kærastan var aðeins inn í leiknum fyrstu 5 mínúturnar af hálfleiknum en lögðust svo í algjöru handboltavörn ala Sviss.  Við vorum að yfirspila þá sundur saman en vorum ekki að nýta færin og vorum hreinlega ekki nógu klókir gegn þessari leiðinda spilamennsku þeirra.  Margir fengu færi t.d. Tryggvi, Júlli, Dabbi o.fl. en boltinn rúllaði ekki fyrir okkur.  Klár vítaspyrnu var tekin af okkur þegar Heimir var tekinn niður og það voru tvær aðrar vítaspyrnur sem menn vildu þá en ég er ekki viss um það en er alveg viss um þessa. Engin mörk voru skoruð í hálfleiknum og svekkjandi 1-2 tap staðreynd.

Það er alveg ótrúlegt að við skyldum aðeins skora eitt mark í þessum leik miðað við færin og yfirburði en þetta rúllaði ekki fyrir okkur.  Við vorum að spila flott upp kantana og fá fyrirgjafir en oft vantaði að menn kæmu á ferðinni inn í teiginn til að klára dæmið.  Þá hefðum við kannski átt að vera klókari og skjóta meira fyrir utan og draga þá þar með aðeins úr skelinni.  En ég er alveg sannfærður að við tökum þetta í næsta leik.

Kærastan er ágætis lið sem getur gert fína hluti á góðum degi, eru með flotta spilara inn á milli en lögðust leiðinlega mikið til baka í seinni hálfleiknum.

LEIKUR!!!!!

Leikur á morgun.

 Andstæðingar: Kærastan hans Ara

 Staðsetning: Hk-völlur í Kópavogi

Dagsetning: Mánudagurinn 12. júlí

Tími: Leikurinn byrjar kl. 21:00 en mæting er kl. 20:00

Homer - Kef Fc 1-1

Á þriðjudagskvöldið áttust við sprækir Hómeringar og Kef Fc í Powerradedeildinni.  Hómeringar voru að koma úr svekkjandi bikartapi gegn Dufþaki á meðan Kef Fc voru nýbúnir að tryggja sig í 8 liða úrslit bikarnum.

Byrjunarlið Hómer: Gummi mark, Helgi Harði, Heimir, Óli Geir, Óli, Eiður, Eiki Lu, Sindri, Tryggvi, Billi og Júlli.

Bekkurinn: Stjáni, Gummi nágranni, Gummi litli, Valdi, Gústi, Dóri, Atli, Reynir og Þorri.

Meiddir: Óskar, Tolli, Elli, Dabbi, Ási, Addi, Billy, Helgi Pönk er á sjónum og Kiddi var að skrifa um stúlkur.

Hómeringar byrjuðu leikinn miklu betur og áttu hverja stórsóknina á fætur annari.  Eftir um 15 mínútna leik skoraði Heimir með skalla eftir vel tekna aukaspyrnu frá Eika Lu.  Hómeringar héldu áfram að sækja og var það alveg ótrúlegt að við náðum ekki að skora fleiri mörk í hálfleiknum.  Semsagt 1-0 í hálfleik.

Seinni hálfleikur hófst með ótrúlegri upphafsspyrnu frá Gústa sem hafnaði í stönginni hjá Kefurum, mark aldarinnar hefði þetta orðið ef boltinn hefði farið réttu megin við stöngina.  Klaufagangur Hómeringa hélt áfram á síðasta þriðjung vallarins, skot misheppnuðust iðulega eða síðasta sending.  Kefarar fóru að komast meira inn í leikinn og um miðjan seinni hálfleik jafna þeir með tilviljanakenndu heppnismarki.  Heimir átti skalla í slá og niður þegar um 10 mínútur voru eftir og fjaraði leikurinn út í kjölfarið.

Svekkjandi 1-1 í jafntefli í leik sem hefði átt að vinnast.

ÆFING

Æfing fimmtudagskvöldið 8. júlí, á Fylkisvelli kl. 21:00.

Dagskrá æfingarinnar:

21:00 til 21:10: Upphitun

21:10 til 21:30: Reitarbolti 

21:30 til 22:30: Spilað á stór mörk

LEIKUR!!!!!!!!!!!!!!!!!!!!!

Nú er komið að næsta leik hjá okkur Hómeringum.

Andstæðingar eru suðurnesjamennirnir í Kef Fc

Dagsetning: Þriðjudagurinn 6. júlí

Tími: Leikurinn byrjar kl. 20:30, þar sem undanúrsiltaleikur á HM er sama kvöld þá er mæting kl. 20:00 og má það ekki vera seinna en það.

Staðsetning: Gervigrasið í Laugardal.

ÆFING!!!

Næsta æfing er fimmtudaginn 1. júlí kl. 21:00

Æfingin fer fram á Fylkisvellinum og er ætlast til að ALLIR mæti!!!

LEIKUR

Nú er komið að 16-liða úrslitum í Powerradebikarnum.

Andstæðingar eru hið þrautreynda lið Dufþaks.

Dagsetning: Þriðjudagurinn 29. júní

Tími: Leikurinn byrjar kl. 19:00 en mæting er ekki seinna en kl. 18:00

Staðsetning: Leikurinn fer fram á gervigrasinu í Laugardal.

Mæta á réttum tíma!!!!

ÆFING Í KVÖLD!!!

Æfing í kvöld, fimmtudaginn 24. júní, kl. 21:00 á Fylkisvelli.

Hómer - Metró 1-1

Á mánudagskvöldið áttust við stórlið Hómer og Metró.  Hómeringar voru með tvo sigra á bakinu eftir tvo leiki en Metró hafði tapað báðum sínum leikjum, báðum gegn mjög sterkum liðum.

Byrjunarlið Hómer: Gummi í markinu, Dóri, Óli Geir, Tolli, Valdi, Stjáni, Óskar, Sindri, Dabbi, Gústi og Júlli.  Á bekknum byrjuðu Eiður, Gummi nágranni, Tryggvi, Ási, Helgi Pönk, Gummi litli og Elli (sem nefbrotnaði eftir 2 mínútur inn á vellinum) 

Fyrri hálfleikur:  Leikurinn byrjaði rólega og skiptust liðin á að sækja.  Bæði lið reyndu að sækja hratt fram og var lítið um miðjuspil.  Óskar átti fyrstu tvö færi Hómeringa, átti glæsilegt skot af 35 metra færi rétt framhjá samskeytunum (hefði orðið mark aldarinnar ef boltinn hefði lent réttum megin við samskeytin).  Þá skallaði kallinn rétt framhjá eftir frábæra hornspyrnu frá Dabba.  Metrómenn voru að ná góðum sóknum en voru miklir klaufar að láta dæma sig rangstæða í nokkrum tilvikum.  Sindri átti fínt færi, fékk boltann fyrir utan teiginn saumaði sig inn fyrir en skaut rétt framhjá.  Þá fékk Óskar fínt færi eftir frábæran undirbúning frá Tryggva en tók ekki nógu vel á móti boltanum og markmaður Metró hirtu boltann af tánum á honum við vítateiginn.  Hálfleikurinn endaði dapurlega þegar Elli nefbrotnaði eftir samstuð. 

Seinni hálfleikur:  Metrómenn fengu fljótlega vítaspyrnu eftir mikla leikræna tilburði sem sjálfur Cristiano Ronaldo (og jafnvel Rivaldo) hefði orðið stoltur af.  Vítaspyrnun var kláruð í hornið og staðan 1-0 fyrir Metró.  Stuttu síðar fengu Hómeringar hornspyrnu og upp úr henni vítaspyrnu þegar sparkað var af alefli í Heimi.  Júlli setti vítaspyrnuna í netið og staðan orðin 1-1.  Eftir þetta einkenndist leikurinn af háloftaspyrnum og mikilli baráttu.  Sindri átti skot rétt yfir eftir undirbúning frá Júlla.  Þá átti Tryggvi gott skot úr þröngri stöðu sem fór rétt framhjá.  Metrómenn hittu ekki boltann í góðu færi.  Hómeringar dældu boltanum inn í teiginn síðustu 10 mínúturnar en allt kom fyrir ekki og leikurinn endaði 1-1. 

Sanngjarnt jafntefli að mínu mati þótt við Hómeringar hefðum auðveldlega geta unnið leikinn.  Enn og aftur vil ég kvarta yfir þessari áráttu hjá mönnum að vilja senda úrslitasendingar fram í hvert einasta skipti sem þeir fá boltann.  Það er mun vænlegra til árangurs að líta upp og senda á næsta mann sem hefur yfirleitt fleiri valmöguleika, það er miklu erfiðara að verjast því.  Þá var vörnin mikið að bomba boltanum fram. Með svona spilamennsku verður sóknarleikurinn mjög tilviljanakenndur og ekki vænlegur til árangurs.

Æfing færist á fimmtudaginn

Það er ekki æfing í kvöld heldur er hún á fimmtudaginn kl. 21:00 á Fylkisvellinum.