LEIKUR

Jæja nú er komið að næsta leik hjá okkur í Hómer.

Dagsetning: Mánudagurinn 21. júní

Tími: Leikurinn byrjar kl. 19:30 en nauðsynlegt er að mæta ekki seinna en kl. 18:30

Staðsetning: Leikurinn fer fram á HK-vellinum í Kópavogi.

Allir að mæta með stuttbuxurnar frá því í síðasta leik, sokkana og Cherriosbúningana til öryggis.

Mætum á réttum tíma, tökum góða upphitun og förum vel yfir skipulagið.  Það skilar sér í betri frammistöðu og þ.a.l. góðum úrslitum.

HÓMER - ísbjörninn 2-0

Í gærkvöldi áttust við stórliðið Hómer og Ísbjörninn í bikarkeppni Utandeildarliða.  Hómeringar höfðu spilað einn leik í deildinni, unnu Áreitni 6-3.  Ísbjörninn höfðu unnið báða sína leiki í deildinni, unnu Dufþak 3-1 og Keppnis 4-1.

Byrjunarlið Hómer: Gummi í marki, Gummi nágranni, Helgi Grjótharði, Eiður Massi, Ási, Billy, Óskar (IL Captiano), Sindri, Addi, Dabbi og Julio Salinas.  Á bekknum sátu Stjáni (Afmeyjarinn), Helgi Pönk, Valdi, Elli, Kiddi frændi, Dóri Jr. og Danni.  Heimir þjálfari var meiddur, Óli og Gummi litli voru klappstýrur með Kollu.

Fyrri hálfleikur:

Hómeringar voru heldur sofandi í fyrri hálfleik og voru Ísbirnirnir óheppnir að skora ekki í tveimur tilvikum eftir mikinn sofandahátt og klaufagang í vörn Hómeringa.  Hómeringar fengu nokkur hálffæri þar sem herslumuninn vantaði upp á.  Liðin skiptust á að vera með boltann og var leikurinn í miklu jafnvægi. 

Seinni hálfleikur:

Hómeringar vöknuðu heldur betur í seinni hálfleik og sýndu miklu meiri grimmd og baráttu, en það vantaði töluvert upp á það í fyrri hálfleiknum.  Eftir um 10 mínútna leik fengu Hómeringar algjört dauðafæri þegar Júlli prjónaði sig upp hægri kantinn og gaf fyrir á Dabba sem rétt missti af boltanum (eða hitti hann ekki).  Júlli var stuttu seinna rétt búinn að skora þegar hann var búinn að prjóna sig í gegn og framhjá markverðinum en missti jafnvægið fyrir opnu marki.  Hómeringar skoruðu fyrra markið á 60. mínútu þegar Billy vann boltann á miðjunni og kom honum á Óskar sem fór framhjá einum manni og sendi á Billy sem sendi góðu sendingu inn í teig sem varnarmaður Ísbjarnarins skallaði í eigið net eftir pressu frá Júlla, 1-0.  Stuttu seinna prjónaði Júlli sig upp að endalínu og sendi á Óskar sem hamraði boltann í bláhornið en varnarmaður Ísbjarnarins varði boltann nánast á marklínu.  Á 68. mínútu fékk Júlli vítaspyrnu eftir klaufalegt brot varnarmanns Ísbjarnarins, Júlli kláraði spyrnuna örugglega sjálfur, 2-0.  Eftir þetta voru Ísbirnirnir meira með boltann án þess að skapa sér hættuleg færi.  Hómeringar lágu til baka og héldu fengnum hlut.  Sindri var reyndar óheppinn að skora ekki þriðja markið þegar hann skallaði boltann í slánna. 

Baráttusigur hjá Hómeringum gegn vel spilandi liði Ísbjarnarins.

Bætt við 18.06.2010 

P.s. Verð aðeins að bæta við þetta og minnast á stórleik Gumma í markinu.  Drengurinn var alveg frábær í leiknum, greip hörkuskalla frá markteig og átti allar fyrirgjafir skuldlausar.

LEIKUR

Jæja nú er komið að næsta leik hjá okkur í Hómer.

Dagsetning: Þriðjudagurinn 15. júní

Tími: Leikurinn byrjar kl. 19:00 en mæting er kl. 18:00

Staðsetning: Leikurinn fer fram á gervigrasinu í Laugardal (Þróttaravelli)

Allir að mæta með stuttbuxurnar frá því í síðasta leik, sokkana frá í síðasta leik, Cherriosbúningana frá því í síðasta leik og líka gömlu bláu búningana. 

 

ÆFING Í KVÖLD

Æfing er í kvöld, þriðjudagskvöldið 8. júní, á Fylkisvelli kl. 21:00.

Dagskrá æfingarinnar:

21:00 til 21:15: Upphitun og spjall um leikinn 

21:15 til 21:30: Reitarbolti 

21:30 til 22:30: Léttur bolti á þröngum velli.

HÓMER - ÁREITNI 6-3

Hómeringar mættu Áreitni í sínum fyrsta leik á tímabilinu.  Áreitni voru spila sinn annan leik á tímabilinu, töpuðu fyrsta leik sínum 0-1 fyrir Kumho.

Fyrri hálfleikur:

Hómeringar byrjuðu betur og uppskáru fljótlega mark, Sindri skoraði með lausum skalla í bláhornið eftir hornspyrnu frá Adda.  Hómeringar héldu áfram yfirhöndinni og klúðraði Sindri algjöru dauðafæri, eftir fallegt spil upp hægri kantinn og fyrirgjöf frá Júlla spyrnti Sindri boltanum viðstöðulaust hárfínt framhjá.  Áreitnismenn tóku aðeins við sér og fengu vítaspyrnu eftir átök í hornspyrnu, vafasamur dómur.    Jöfnuðu þeir leikinn eftir vel tekna vítaspyrnu.   Hómeringar voru langt frá því hættir og tóku yfirhöndina.  Boltinn gekk vel á milli manna og lá 2. markið í loftinu.  Óskar fékk boltann á miðjunni, lék á einn mann og sendi á Júlla sem snéri sér og sendi hann inn fyrir á Óskar sem var búinn stinga sér frá miðjunni eins og Usain Bolt.  Óskar reyndi að snúa boltanum upp í hornið sem markvörðurinn varði á ótrúlegan hátt en Sindri hirti frákastið og hamraði hann í slánna og inn. 2-1.  En þá slokknaði algjörlega á Hómeringum og Áreitnismenn gengu á lagið og jöfnuðu eftir virkilega fallegt spil upp hægri kantinn og fyrirgjöf á nærstöngina. 2-2.  Ekki löngu seinna setti Áreitni 3. markið og skyndilega komnir með forystu og stutt í hálfleik.  En rétt fyrir hálfleik jafnaði Gústi eftir að hafa fengið sendingu frá Júlla hægra megin inn í teiginn og hamrað hann óvænt í fjærhornið. 3-3 í hálfleik í mjög fjörugum leik.

Seinni hálfleikur:

Heimir þjálfari þrusaði yfir mannskapnum og vildi meina að við værum klaufar að vera ekki með forystu, hamraði hann baráttuþreki í sýna menn og komu menn öskrandi inn í seinni hálfleikinn.

En það var Áreitni sem byrjaði öllu betur í seinni hálfleik og fékk eitt dauðafæri sem Gummi varði frábærlega í markinu.  Hómeringar fóru að taka yfirhöndina smá saman og voru fá mikið að hálffærum.  Um miðjan hálfleikinn fengu Hómeringar vítaspyrnu eftir að keyrt hafi verið í bakið á Adda, Sindri tók vítið en það var slakt og markvörðurinn varði.  En fljótlega fékk Hómer upphlaup, eitt af mörgum í hálfleiknum, Addi átti góða fyrirgjöf á Ása sem skallaði markvörðurinn varði en Óskar tók frákastið og setti hann í netið og staðan orðin 4-3 og um 10 mínútur eftir.  Stuttu seinna fékk Júlli boltann frammi lék á tvo varnarmenn og setti hann í markið, 5-3.  Á síðustu mínútunni átti Júlli enn eitt upphlaupið og var kominn upp að vítateig, hann gaf á Sindra sem fullkomnaði þrennuna, 6-3 og öruggur sigur í höfn.

Við vorum að spila í heildina litið nokkuð vel.  Vorum mjög hættulegir frammi og hefðum getað sett mun fleiri mörk.  Mér fannst á tímabili við vera of mikið að leita að úrslitasendingum fram á við, það er oft betra að gefa á næsta mann sem er oftar en ekki í betri stöðu til að setja boltann fram.  Þá fannst mér við vera að missa einbeitingu á tímabili í leiknum og verðum við að laga það fyrir næsta leik.

FYRSTI LEIKUR SUMARSINS

Jæja, nú er komið að fyrsta leik sumarsins.

Leikið er við Áreitni á HK-vellinum í Kópavogi.

Leikurinn hefst kl. 19:30 við ætlum að taka góða upphitun og er mæting kl. 18:30.

MÆTING KL. 18:30 með sigurviljann í vasanum!!!

ÆFING Í KVÖLD

Æfing í kvöld, þriðjudagskvöldið 1. júní, á Fylkisvellinum kl. 21:00.

Dagskrá æfingarinnar: 

21:00 til 21:15: Hlaup og upphitun 

21:15 til 21:30: Reitarbolti 

21:30 til 22:45: Knattspyrna.

ÆFINGALEIKUR

Hómer spilar æfingaleik næstkomandi fimmtudagskvöld.

Tími: Mæting er kl. 20:30 fimmtudagskvöldið 27. maí

Staður: Gervigrasið við hliðina á Kórnum í Kópavogi

Andstæðingar: Esjan.

Æfing í kvöld

Æfing í kvöld, þriðjudagskvöldið 25. maí, á Fylkisvellinum kl. 21:00.

 21:00 til 21:15: Hlaup og upphitun

 21:15 til 21:30: Reitarbolti

 21:30 til 22:45: Spiluð knattspyrnu þar sem lögð verður áhersla á áferðarfallegan fótbolta.

 22:50 til 23:30: Bjór svo belgurinn verði stór.

LEIKUR Í KVÖLD

Æfingaleikur í kvöld á HK-vellinum (miðvikudaginn 19. maí)

Mæting kl. 20:30

 Leikurinn kostar 500 kr. á haus.